Grootste Takstigting ooit!
Sluit op 18 April by ons aan: Bou saam, werk saam, skep saam HOOP. Ons versterk die Limpopo gemeenskap!
Limpopo se Helpende Hande bou saam 'n gemeenskap van hoop
Solidariteit Helpende Hand reik al sedert 2010 uit na gemeenskappe in die Limpopo-streek. Dié gemeenskapsorganisasie word bygestaan deur vrywilligers wie se hande vir niks verkeerd staan nie. Ons werk ook saam met skole, kerke, boere, sakemanne en ander belanghebbendes wat hand uit die mou steek om 'n verskil te maak in die gemeenskap. Ons netwerke om gemeenskapsontwikkeling te weeg te bring, word gekenmerk deur 'n gedeelde visie, "self doen" en "saamstaan".
Ons besef hoe krities opvoeding, opleiding en ontwikkeling is om hoop te skep en ons mense vorentoe te neem. Om net te help, is nie genoeg nie; om iemand te help om homself en uiteindelik ander te help, is die sleutel tot volhoubare vordering. Dit is vir ons belangrik om soveel as moontlik kinders, gesinne, weerloses en gemeenskappe na selfstandigheid en onafhanklikheid te lei met die projekte en inisiatiewe wat ons aanpak. Laasgenoemde is 'n oorweldigende taak, maar bietjie vir bietjie en stap vir stap vorder ons.
Ons is dankbaar vir die hande wat reeds saam uitreik en opgewonde oor die hande wat nog gaan bykom, want hoe meer hande ons het, hoe 'n groter verskil kan ons maak.
Ons Plek Naboomspruit Sesdestraat 2 Naboomspruit
Laerskool Vaalwater Kirkmanstraat 167 Vaalwater
Smit & Kie Windsorstraat 10 Arbor Park, Tzaneen
NG Kerk Noord Dorpstraat Polokwane-Sentraal
Privaat samekoms Letsitele
Geref. Kerk Phalaborwa Jansensingel 67 Phalaborwa
AP Kerk H.v. Huilbos- en Katjiepieringlaan Warmbad
CVO Gromar H.v. Ribbok- en Robertsonlaan Groblersdal
CVO Hardekool Werkendampad Rietspruitplotte no. 10 Ellisras
CVO Potgietersrus R101, Plaas Oorlogsfontein Potgietersrus
CVO Waterberg Boomstraat 69 Nylstroom
Geref. Kerk Ranonkelstraat 1025 Marble Hall
